غريبه يامعاندني ,

غريبه يامعاندني , تجـي واتقـول جـاك امنـاك
تجي يومين ثـم تبعـد , وقصـدك بـس تذبحنـي

غريبـه كـل هالعالـم , تلفّـه لـف فـي يمنـاك
ولا لك بين كل الناس , غيـري وانـت خابرنـي

تعوّذ من بليس وهاك , دام القلب , راضـي هـاك
( عراق ) القلب واسكن ( دجلته ) , واحتل واشربني

أنا والله لولا الله , وخوفـه قلـت لجـل ارضـاك
وحبّـك جيـت فـي الدنيـا , ومِنـك الله خالقنـي

أنا ( قارون ) برموووشك , وانا ( فرعونها ) لولاك
انا المذنب , وانا المؤمن , بشوقك وانـت تكفُرنـي

أنا يجتاحني رجفه , لو اسمع بس , وقع اخطاك
اجل وش عاد لو شفتك ؟؟ , حشا , والله تموتني

أنا لو سلهمت عينك , بعيني , قلت لك ( نفداك )
أنا داخـل بوجـه الله , ووجهـك لا تضيّعنـي

انا من وين ماوجهت وجهي , في الوجيه ألقـاك
أحس انك تبعثرني , ولا ادري كيـف تجمعنـي

أجي لك شرق يسرقني , جنوبك , وانسحب منّاك
وأجي لك غرب يسرقني , غروبك وانت تشرقني

أحس انّك معي دايم , واتوه بعالمـك واحيـاك
وافوق احيان واتسائل , لك الله كيف سخّرني ؟؟

تفاخر ( لعنبوا غيرك ) , ترى غيرك , يمـوت اهنـاك
وربـي ينتظـر كلمـه , وأصـد وهــو يكلمـنـي

ومادام الله عطا لـك شـي , فاشكـر واغتنـم ماجـاك
ومـادام اتشوفنـي ساكـن , نصيـحـه لاتحرّكـنـي

أنا لو قلت لك بانسى , ورب البيـت , صـدق انسـاك
لذا : , لـو شفتنـي بانسـى , فانـا طالبـك تمنعنـي

واذا قـررت تمنعنـي , وشفـت ان القـرار أعـيـاك
ما بيـك اتقـول وش تبغـى , تـرى والله تضايقنـي

انا ابغى ؟؟ , قول وش ما ابغى !!, على بعضك كذا أبغاك
ولعيـونـك , باخرّبـهـا , واذا مجـنـون قيّـدنـي

أنا ابغى كل مايطري , عليـك اسمـي يهـز اقصـاك
وابيك ان شفتنـي مذنـب , بحبـك تـوب واغفرنـي

أبيه ايصير في عينـي , منامـك والرمـوش اغطـاك
وأبيه ايصير فـي عينـك , منامـي وانـت تسهرنـي

أبي حبّك , وأبـي قربـك , وأبـي ( لبّيـه ) يالبّـاك
أبي ضمّك , وأبي شمّك , وأبي لـو طلـت تجرحنـي

أبيـك ان قالـوا الشاعـر , تقـوم اتـفـز دون ادراك
أبيك اتحس بـي دايـم , أنـا اقصـد وانـت تسمعنـي

وانا شاعر مادام انّـك , مـن الغاويـن بـس أهـواك
تقول آقول مالا افعـل ؟؟ , بسيطـه , بـس جرّبنـي

وقل مجنـون لا يسمـع , ولا يفقـه , وانـا اتحـدّاك
ايلا منّي نويت انسـى , باشـوف اشلـون تمنعنـي !!

» اقاويل غريبه ولكن واقعيه
» ظاهره غريبه تحدث قي الســ ع ـــوديه...؟
» معلومات غريبه وحلوه وبتجنن الحقوها